قضايا و حوادث زوجة احد ضحايا المركب الي تعرض للغرق مؤخرا تنشر تدوينة موجعة.. وها ما ورد فيها
نشرت السيدة صباح السالمي زوجة احد ضحايا المركب الي تعرض للغرق وكان على متنه مهاجرين اصيلي مدينة بوحجلة، نشرت تدوينة عبرت فيها عن شديد لوعتها اثر وفاة زوجها نبيل.
وها ما ورد في رسالتها:
اااااااه يا نبيل راي ناري شاعلة ياربي صبرني يا ربي صبرني على فراقك.. صحيح الموت علينا حق.. أما الفراق صعيييييييب برشا.. الدنيا ظلام من غيرك قداش عندي كلام نحب نحكيه و ملقيتش مع شكون نحكي بعدك ڨداش.. لازمني نصبر ونحكي لروحي ونسكت على وجيعتي... ياربي تكون معايا ومع صغارك و تعيني على هم الدنيا.. من غيرك يا نبيل لغالي ياربي راهو ڨلبي شعل لشكون خليتني شكون بيا شكون ليا يا ربي شكون مش يتفكرني ويهز معايا تعبي وشڨايا.. حليلي يا نبيل خليتني وحدي حليلي نشوفك لاخر مرة في حياتي.. حليلي يا ربي راو ڨلي نمشي ونجي نشريلك دار أك شريتلي قبر يا ربي حني صبرني على فراقك ويصبر صغارنا عليك ااااااه يا ربي راني كنت مستنصرة بيك اللي كلمني نڨولوا نحرش فيك نبيل اااااه لشكون مش نشكي بعدك ااااااه يا ربي صبرني على فراقك..
